![A community textile workshop supported by a WWF Cymru grant. The image shows two parents and two children sitting across from each other.](/sites/default/files/styles/content_slide_image/public/2022-12/Ophelia%20workshop-15.jpg?h=790be497&itok=-WH2RmIe)
CEFNOGI CYMUNEDAU
CEFNOGI CYMUNEDAU
Yn y gwanwyn, rhoddwyd dros 20 o grantiau cymunedol i grwpiau ar draws Cymru.
Fel rhan o Awr Ddaear Cymru, fe wnaethom gefnogi cymunedau i weithredu yn eu hardal leol.
O weithdai tecstilau i blannu coed a chrefftau, daeth pobl o bob rhan o Gymru at ei gilydd i rannu gwybodaeth, sgiliau a chreu cyfleoedd newydd i bobl a natur ffynnu.
![Seaweed being pulled from the lines in the water by a member of staff at Câr y Môr.](/sites/default/files/styles/content_slide_image/public/2022-12/carymor3_%C2%A9MattHorwood_WWFUK.jpg?h=82f92a78&itok=qAx_dzN9)
GWYMON
GWYMON
Eleni fe ddechreuon ni weithio gyda fferm gefnfor atgynhyrchiol yn Sir Benfro - Câr y Môr.
Yn 2023 edrychwn ymlaen at archwilio’r manteision niferus a’r defnydd posib o wymon, gan gynnwys sut y gall y planhigyn rhyfedd hwn ein helpu i fynd i’r afael â’r argyfwng hinsawdd a natur.
![Image of Lit in place artists Sadia Pineda Hameed and Beau W Beakhouse with the title of their project - LUMIN Syllabus](/sites/default/files/styles/content_slide_image/public/2022-12/LUMIN.png?h=5f1b5b34&itok=BWpeBJV0)
Llên mewn Lle
Llên mewn Lle
Mae Llên mewn Lle yn brosiect newydd sydd wedi ei ddyfeisio gan Llenyddiaeth Cymru ac a gefnogir gan WWF Cymru, sy’n archwilio’r argyfwng hinsawdd a natur trwy lenyddiaeth.
Mae’r prosiect yn cynnig nawdd i awduron a hwyluswyr i greu, sefydlu a chyflawni gweithgaredd gyda chymuned benodol o’u dewis hwy.
Mae tri prosiect peilot yn cael eu cefnogi gennym yn 2022-2023, sef:
- Gwledda, dan ofal Iola Ynyr yn Rhosgadfan;
- Ffrwyth ein Tân, prosiect gan Siôn Tomos Owen yn Nhreherbert;
- The LUMIN Syllabus gan Sadia Pineda Hameed a Beau W Beakhouse yn Abertawe.
Nod y prosiectau hyn yw datblygu cymunedau gwydn drwy archwilio a deall eu eco-systemau lleol. Bydd y prosiectau hefyd yn cyfrannu at drafodaethau ehangach ar ddod o hyd i atebion ymarferol i effeithiau andwyol yr argyfwng hinsawdd a natur.
![Sky seagrass](/sites/default/files/styles/content_slide_image/public/2020-03/Sky%20seagrass.jpg?h=c3635fa2&itok=gK-yWvJL)
LANSIO CAM DAU O'R PROSIECT MORWELLT
LANSIO CAM DAU O'R PROSIECT MORWELLT
Yn ystod yr haf, lansiwyd cam dau o Brosiect Morwellt ar safle newydd yng ngogledd Cymru.
Bydd Morwellt Achub Cefnfor a chymunedau lleol yn dechrau plannu 5 miliwn o hadau morwellt yng ngogledd Cymru i adfer 10 hectar o ddolydd morwellt coll erbyn diwedd 2026.
Mae morwellt yn gynghreiriad pwerus wrth fynd i'r afael â'r argyfwng natur a hinsawdd.
![Portrait of Iwan Rheon](/sites/default/files/styles/content_slide_image/public/2022-12/WorldEnvironmentDaySenedd2019_034.jpg?h=08c32bd5&itok=cX4iPmRQ)
LLYSGENNAD SWYDDOGOL WWF CYMRU
LLYSGENNAD SWYDDOGOL WWF CYMRU
Ar ôl blynyddoedd o gefnogaeth, croesawyd Iwan Rheon fel Llysgennad swyddogol WWF Cymru.
Daeth yn llais gweithgar i WWF Cymru yn 2018. Ers hynny, mae wedi siarad yn y Senedd, wedi mwyhau ymgyrchoedd di-ri ac wedi dod yn llais dilys, dylanwadol ar yr amgylchedd yng Nghymru.
Eleni, mae Iwan wedi creu 'playlist' ddwyieithog ar gyfer Awr Ddaear 2022, cymryd rhan ym mhodlediad WWF UK - Call of The Wild Series 2 - a'i gefnogaeth barhaus i ehangu ein gwaith ar draws ei sianeli.
![Aelod staff Tyddyn Teg yn pigo llysiau yn y cae o flaen y tŷ](/sites/default/files/styles/content_slide_image/public/2022-11/DSC_9198.jpg?h=9eb0d413&itok=e6XXVk3v)
Gwlad Ein Dyfodol
Gwlad Ein Dyfodol
Lansiwyd ein hymgyrch Gwlad Ein Dyfodol yn 2022.
Diolch i dros 1000 ohonoch a ychwanegodd eich enw at ein deiseb yn galw am Fil Amaethyddiaeth newydd uchelgeisiol i Gymru.
Yn 2023 byddwn yn gwneud popeth o fewn ein gallu, ac yn defnyddio eich lleisiau, i weld Bil Amaethyddiaeth sy’n addas ar gyfer cenedlaethau’r dyfodol – gyda phobl, natur a hinsawdd yn ganolog iddo.
![](/sites/default/files/styles/content_slide_image/public/2021-02/Small_WW2136578_0.jpg?h=55be468c&itok=ZEmIG_0z)
LLWYDDIANT I'N GWAITH CYMRU A CHYFRIFOLDEB BYD-EANG
LLWYDDIANT I'N GWAITH CYMRU A CHYFRIFOLDEB BYD-EANG
Llwyddiant MAWR yn 2022 oedd gweld cefnogaeth unfrydol i gynnig a basiwyd gan y Senedd yn seiliedig ar ein hadroddiad Cymru a Chyfrifoldeb Byd-eang.
Diolch am gefnogi ein hymgyrch o 2021 hyd heddiw.
Nawr mae'n rhaid gweld y camau gweithredu, yn ein hadroddiad, yn cael eu rhoi ar waith i fynd i'r afael â'n heffaith ar ddatgoedwigo byd-eang.